تاتاریستان‌دا ایسلام دینی‌نینگ قابول ادیلمه‌گی‌نینگ ۱۱۲۳-ییللیغی بلله‌نیأر
اورال-ولگا تاتارلاری‌نینگ آتالاری حؤکمۆنده قابول ادیلیأن بولگار تۆرکلری‌نینگ کؤپچۆلیکله‌یین یاغدایدا ایسلام دینینی قابول اتمه‌گی‌نینگ ۱۱۲۳ ییللیغی میناسیبت‌لی تاتاریستان‌ینگ پایتاغتی قازان‌دان ایکی یۆز کیلومتر آلیسدا یرله‌شیأن تاریحی بولگار شأهرینده دابارا قورالدی.
تۆرکیأنینگ آدیندان دین ایشلری قوراماسی‌نینگ باشلیغی محمت گؤرمِزینگ حورماتلی میهمان حؤکمۆنده قاتناشان دابارالارینا تاتاریستان‌ینگ پرزیدنتی رۆستم میننی‌حانوف بیلن ایسلام حیذماتداشلیق قوراماسی‌نینگ باش یازمانی اکمل‌الدین ایحسان‌اۇغلی هم قاتناشدی.
دابارالارینگ چأگینده بیرنأچه عاصیر اوزال مغوللار تاراپیندان ییقیلان ایلکینجی متجیدینگ یرینه قورلان آق متجیدینگ آچیلیش داباراسیندا چیقیش ادن دین ایشلری قوراماسی‌نینگ باشلیغی محمت گؤرمز "ایسلام دینی بو توپراقلارا توپ بیلن، تۆپـِنگ بیلن دأل-ده پاراحاتچیلیق بیلن گلدی" دیدی.
تۆرکیأنینگ دین ایشلری قوراماسی‌نینگ باشلیغی بیلن ایسلام حیذماتداشلیق قوراماسی‌نینگ باش یازمانی اکمل‌الدین احسان‌اۇغلی، آچیلیش داباراسیندان سونگ دۆنیأ‌نینگ اینگ اولی قورهانی‌نینگ (قرآنی‌نینگ) سرگیله‌نیأن یرینه هم باریپ گؤردی.
منبع: سایت ت.ر.ت تورکمنچه
وبلاگ رسمی بنیادمختومقلی فراغی